လႅၵ်ႈလၢႆႊပႅတ်ႈ Logon Screen မိူဝ်ႈ Window7 တေၶိုၼ်ႈ

Post ၼႆႉတႄႉ ယိူၼ်းဢၢၼ်း တွၼ်ႈတႃႇ ၽူႈသူင်ၸႂ် ပႆႇၺႃႇၶွမ်ႊၽိဝ်ႊထိူဝ်ႊ လႄႈ ၽူႈၶႂ်ႈလဵပ်ႈႁဵၼ်း လၢႆးႁဵတ်းၵၢၼ် Windows သေ ဢမ်ႇၵႃး ပေႃးဢမ်ႇလူင်ႉလႅၼ်ႇလီလီၸိုင် ဢမ်ႇထုၵ်ႇလီႁဵတ်းတူၺ်းယဝ်ႉ။ ၵွပ်ႈ တေလႆႈႁဵတ်း Registry Hacking လႄႈ ပေႃးၽိတ်းၵႂႃႇ တီႈၼိုင်ႈၸၼ်ႉၸၼ်ႉၸိုင် Windows မေႃတူၵ်းၵႂႃႇသေ တေဢမ်ႇၶိုၼ်ႈမႃးၼၼ်ႉယဝ်ႉ။ ၸင်ႇဝႃႈ ၵဵဝ်ႈလူၺ်ႈလွင်ႈ Post ၼႆႉသေ ၶႃႈတေလၢတ်ႈၼႄလၢႆးမၼ်းသေ ပေႃႈပဵၼ်ၼိုင်ႈလွင်ႈလွင်ႈ ၵႂႃႇၸိုင် ပဵၼ် ပုၼ်ႈၽွၼ်းၽႂ်မၼ်းၵူၺ်းယဝ်ႉၶႃႈ။

ၵူၼ်းၸႂ်ႉတိုဝ်း Windows သေ သူင်ၸႂ်ၾၢႆႇပႆႇၺႃႇၶွမ်ႊၽိဝ်ႊထိူဝ်ႊၶဝ်ၼႆႉ တေသူင်ၸႂ် တႃႇတေလႅၵ်ႈၸၢမ်းတူၺ်း Windows Logon Screen ယူႇယဝ်ႉ။ Logon Screen ဢၼ်ဝႃႈၼႆႉ မိူဝ်ႈႁဝ်းၶဝ် တႄႇပိုတ်ႇၶွမ်ႊၽိဝ်ႊထိူဝ်ႊ ၸိုင်တေလႆႈႁၼ် ႁၢင်ႊ Windows Logo ဢွၼ်ႇဢွၵ်ႇမႃးသေ တေဢွၵ်ႇမႃး UserName သေ ပေႃး သႂ်ႇဝႆႉ Password ၵေႃႈတေလႆႈပၼ် Password ၼၼ့်ယဝ်ႉ။ Logon Screen ဢၼ်ဝႃႈ ပဵၼ် Backgrond Picture မၼ်မိူဝ်ႈ ယွၼ်း Username and Password ၼၼ့်ယဝ်ႉ။ လၢႆးမၼ်းတႄႉ ...

႑ ) ၵႂႃႇၼႂ်း Start >>> Run >>> regedit (Ctrl+R >>> type: regedit)

႒) ၶိုၼ်းၵႂႃႇတေႃႇပေႃးႁွတ်ႈထိုင် သဵၼ်ႈတၢင်းၼႆႉ HKEY_LOCAL_MACHINE\SOFTWARE\Microsoft\Windows\CurrentVersion\Authentication\LogonUI\Background

႓) ပေႃးထိုင်သဵၼ်ႈတၢင်းၼၼ်ႉယဝ်ႉၸိုင် ၾၢႆႇၶႂႃၼၼ်ႉတေလႆႈႁၼ် OEMBackground ၼႆယဝ်ႉ။ Double-Click ၼၼ်ႉသေ တီႈ Value ဢၼ်ပဵၼ် 0 ဝႆႉၼၼ်ႉ ၶၢႆႉပႅတ်ႈ ႁႂ်ႈပဵၼ် 1 ၼႆတႃႉ။
(မၢႆတွင်း။   ။ ၾၢႆႇၶႂႃၼၼ်ႉ ပေႃးဢမ်ႇႁၼ် OEMBackground ၼၼ်ႉၼႆၸိုင် Right-Click တီႈပဝ်ႇၼၼ်ႉသေ New >>> DWORD (32bit) ၼႆသေ ပၼ်ၸိုဝ်ႈသေ သိုပ်ႇႁဵတ်းၵႂႃႇလႄႈ)

႕) ပေႃးယဝ်ႉ ပိၵ်ႉပႅတ်ႈ Registry Editor ၼၼ်ႉသေ ၵႂႃႇၼႂ်း သဵၼ်ႈတၢင်းၼႆႉထႅင်ႈ C:\Windows\System32\oobe

႖) ၼႂ်း oobe ၼၼ်ႉ ႁဵတ်းပၼ် Folder ၼိူင်ႈဢၼ် သေပၼ်ၸိုဝ်ႈဝႃႈ info

႗) ၼႂ်း Folder ၸိုဝ်ႈ info ၼၼ်ႉ ၶိုၼ်းႁဵတ်းပၼ် Folder ၼိူင်ႈဢၼ်သေ ပၼ်ၸိုဝ်ႈ backgrounds
ၸင်ႇဝႃႈတေပဵၼ်သဵၼ်ႈတင်း (path)ၵႂႃႇၼင်ႇၼႆယဝ်ႉ C:\Windows\System32\oobe\info\backgrounds

႘) ၼႂ်းၼၼ်ႉ ဢဝ်ၶႅပ်းႁၢင်ႊ ဢၼ်ႁဝ်းၶႂ်ႈလႅၵ်ႈတၢင်ၵႂႃႇၼၼ့် ၵႂႃႇသႂ်ႇ။
(မၢႆတွင်း။   ။ File Type တေလႆႈပဵၼ် jpeg သေ File Size တေဢမ်ႇလႆႈပူၼ်ႉ 256 KB သေ ပၼ်ၸိုဝ်ႈၼင်ႇတႂ်ႈၼႆႉ (ၶႂ်ႈပၼ်ၸိုဝ်ႈသင် ပၼ်ဢမ်ႇလႆႈ) ယဝ်ႉ တေလႆႈပဵၼ် ၶႅပ်းႁၢင်ႊ ၼိူင်ႈဢၼ်ၵူၺ်း တေဢမ်ႇလႆႈ သႂ်ႇဝႆႉသွင်သၢမ်ဢၼ်)

႙) ၸိုဝ်ႈ File ၸိူဝ်းၼၼ်ႉ ပၼ်လႆႈၼင်ႇတႂ်ႈၼႆႉယဝ်ႉ
background1280x960, background1280x768,
background1280x1024, background1440x900,
background1360x768, background1024x768,
background1024x1280, background900x1440,
background960x1280
(မၢႆတွင်း။   ။ မၢႆ ဢၼ်ပႃးၼႂ်းၸိုဝ်ႈၸိူဝ်းၼႆႉ ပဵၼ် Resolution ၶႅပ်းႁၢင်ႊႁဝ်းၼၼ်ႉယဝ်ႉ။ ၼင်ႇၶႃႈႁဵတ်းတူၺ်းတႄႉ Resolution ၶႅပ်းႁၢင်ႊၼၼ်ႉဝႆႉ 1360x768 ၼၼ်ႉသၢင်ႇထုၵ်ႇသေပိူၼ်ႈယဝ်ႉ။ ၶွမ်ႊၽိဝ်ႊထိူဝ်ႊ ၼိူင်ႈလုၵ်ႈလႄႈ ၼိူင်ႈလုၵ်ႈတေဢမ်ႇမိူၼ်ၵၼ်1)

႙) ပေႃးဢဝ် Restart ပၼ်ၶွမ်ႊၽိဝ်ႊထိူဝ်ႊၸိုင် Logon Screen ၼၼ့်တေလႅၵ်ႈလၢႆ ၶႅပ်းႁၢင်ႊဢၼ်သႂ်ႇဝႆႉမိူဝ်ႈၵႆႈၼၼ့်ယဝ်ႉ။

ဢိင်ပိုင်ႈၼိူဝ် ၶႅပ်းႁၢင်ႊဢၼ်ၸဝ်ႈၵဝ်ႇသႂ်ႇၼၼ်ႉသေလႄႈ မၢင်ပွၵ်ႈမႃး Username တေႁၢႆၵႂႃႇၵေႃႈတေႃႈၸင်ႊပဵၼ်ယဝ်ႉ ပေႃႈပဵၼ်မႃးၸိူင်ႉၼၼ်ၸိုင်တေလႆႈႁူႉဝႃး Color မၼ်းမိူၼ်ၵၼ်ၵႂႃႇလႄႈ ဢမ်ႇလႆႈႁၼ်ၵူၺ်း။ တႃႇ တူဝ်လိၵ်ႈ Username ဢၼ်တေလႆႈႁၼ်ၼၼ်ႉ သႂ်ႇ Effect ပၼ်ၸိုင် တိုဝ်းလီယဝ်ႉ။ လၢႆးသႂ်ႇ Effect ပၼ် တူဝ်လိၵ်ႈ Username ၼၼ့်ၸမ်း





႑ ) ၶိုၼ်းၵႂႃႇၼႂ်း Registry Editor (Ctrl+R >>> type: regedit)

႒) သိုပ်ႇၵႂႃႇထႅင်ႈ သဵၼ်ႈတၢင်းၼႆႉ HKEY_LOCAL_MACHINE\SOFTWARE\Microsoft\Windows\CurrentVersion\Authentication\LogonUI

႓) ၾၢႆႇၶႂႃႇ တီႈပဝ်ႇၼၼ်ႉ Right-Click သေ လိူၵ်ႈဢဝ် New >>> DWORD (32bit) Value ၼႆသေ ပၼ်ၸိုဝ်ႈ ButtonSet

႔) ၶိုၼ်းၽူၺ်ႇ ButtonSet ၼၼ့်သေ တီႈ Value မၼ်းၼၼ်ႉ လႅၵ်ႈတူၺ်း 0 ဢမ်ႇၼၼ် 1 ၸိုင် ဢၼ်လႂ်တေလႅပ်ႈၵၼ်တၢင်း Background ၼၼ်ႉတူၺ်းတူၺ်းသေ မႄးၵႂႃႇၸွမ်းသေလႃႈ။

ၼပ်ႉယမ်သေလႄႈ
သႅင်မိူင်း (လႃႈသဵဝ်ႈ)

From= http://shaniit.org/index.php?option=com_content&view=article&id=79:-logon-screen-window7-&catid=11:windows&Itemid=14