ၵမ်းၼႆတေၶႃႈႁဝ်းတေမႃး မွၵ်ႇၼႄ လွၵ်းလၢႆးသၢင်ႈ Account မႂ်ႇမႂ်ႇတႃႇ Facebook ၶႃႈဢေႃႈ။ သင်ၸိူဝ်ႉဝႃႈႁဝ်းၶႃႈမီးဝႆႉ မၢႆၾၢင် E-mail ၼႆၵေႃသၢင်ႈလႆႈယဝ်ႉၶႃႈ။ ပိူင်လၢႆးသၢင်ႈမၼ်းတေႉၶႃႈ ၼႄဝႆႉပၼ် ၵိုၵ်းပႃးလူၺ်ႈ ၶႅပ်းႁၢင်ႊမၼ်း ၸွမ်းၼင်ႇပႃႈတႂ်ႈၼႆႉယဝ်ႉၶႃႈဢေႃႈ။
ဢွၼ်တၢင်းသုတ်းတေႉ တေလႆႈၶဝ်ႈၵႂႃႇလၢင်ႉပႅတ်ႈ ၶေႃႈမုၼ်း(Data) ၶွင် Facebook ၵွၼ်ႇၶႃႈဢေႃႈ။ တႃႇတေၵႂႃႇလၢင်ႉ ၼၼ်ႉၶဝ်ႈၵႂႃႇတီႈ Settings > Apps > Facebook ပေႃးၼၼ်တေလႆႈႁၼ် ဢၼ်ဝႃႈ Clear data ၼၼ်ႉယဝ်ႉၶႃႈ။
ၵမ်းၼႆႉတဵၵ်ႉတီႈ Clear data လႄႈ Ok သေလၢင်ႉပႅၼ်ႈ ၶေႃႈမုၼ်းမၼ်းလႆႈယဝ်ႉၶႃႈ။
ၵမ်းၼႆႉတေႉ ထိုင်ၶၵ်ႉတွၼ်ႊ တႃႇတေႁဵတ်း Facebook Account ဢၼ်မႂ်ႇမႂ်ႇယဝ်ႈၶႃႈဢေႃႈ။ Normal 0 false false false EN-US X-NONE X-NONE တဵၵ်ႉတီႈ ႁၢင်ႊႁိင်ႈ (Icon) Facebook ၼၼ်ႉၶႃႈလႄႈ တေလႆႈႁၼ်ၸွမ်းၼင်ႇပႃႈတႂ်ႈၼႆႉယဝ်ႉၶႃႈ
ပေႃးႁၼ်ယဝ်ႉၵေႃႈ တိၵ်ႉတီႈဢၼ်ဝႃႈ Sign Up For Facebook ၼၼ်ႉၶႃႈလႄႈ။ (တီႈဢၼ်မိူဝ်ႈႁဝ်းတဵၵ်ႉတီႈ Sign Up For Facebook ၼႆႉမၼ်းတေလႆႈတိၵ်ႉ ပၼ်သၢမ်ၵမ်း ထတ်းၵၼ်ၵႂႃႇၵမ်းလဵဝ်ၶႃႈဢေႃႈ။) ပေႃးၼႆတေလႆႈႁၼ်မိူၼ်တႂ်ႈၼႆႉယဝ်ႉၶႃႈ။
ၵမ်းၼႆႉသိုပ်ႇတဵၵ်ႉပၼ် OK သေၶႃႈလႄႈ။ တေလႆႈသိုပ်ႇႁၼ်ၼင်ႇပႃႈတႂ်ႈၼႆႉယူႇၶႃႈ။
ၵမ်းၼႆႉထိုင်တွၼ်ႊတေလႆႈ ထႅမ်သႂ်ႇမၢႆၾၢင် E-mail ႁဝ်းယဝ်ႉၶႃႈဢေႃႈ။ ထႅမ်သႂ်ႇသေ သိုပ်ႇတဵၵ်ႉ Continue ၼၼ်ႉၵႂႃႇၶႃႈလႄႈ။ တေလႆႈႁၼ်မိူၼ်ၼႆၶႃႈ။
တွၼ်ႊၼႆႉတေႉပဵၼ်တွၼ်ႊ ဢၼ်တေလႆႈ ပၼ်ၸိုဝ်ႈႁဝ်းယဝ်ႉၶႃႈဢေႃႈ ။ ပၼ်ၸိုဝ်ႈ ဢၼ်ၸဝ်ႈၵဝ်ႇလႆႈၸႂ် ၼၼ်ႉသေ သိုပ်ႇတဵၵ်ႉ Continue ၵႂႃႇထႅင်ႈၶႃႈလႄႈ။ မၼ်းတေႁွတ်ႈထိုင်တွၼ်ႊ တႃႇသၢင်ႈ မၢႆလပ်ႉၸဝ်ႈၵဝ်ႇယဝ်ႉၶႃႈ။
ထႅမ်သႂ်ႇမၢႆလပ်ႉ ဢၼ်ၶႂ်ႈပၼ်ၼၼ်ႉသေ သိုပ်ႇတဵၵ်ႉ Continus ထႅင်ႈၵမ်းၼိူင်ႈၶႃႈ။ ၵူၺ်ႈၵႃႈမၢႆလပ်ႉ ဢၼ်ပၼ်ၵႂႃႇယဝ်ႉၼၼ်ႉ ယႃႇပေလိုမ်းပႅတ်ႈၶႃႈၼႃႈ။ တေႁွတ်ႈတွၼ်ႊ မွၵ်ႇလၢတ်ႈဝၼ်းၵိူတ်ႇ ယဝ်ႉဢေႃႈ။
ထႅမ်သႂ်ႇပၼ် ဝၼ်းၵိူတ်ႇ (ဝၼ်း၊ လိူၼ်၊ ပီႊ) ၸဝ်ႈၵဝ်ႇယဝ်ႉသေ သိုပ်ႇတဵၵ်ႉပၼ်ထႅင်ႈ Contiuns ထႅင်ႈပွၵ်ႈၼိူင်ႈၶႃႈ။ သင်ထႅမ်သႂ်ႇ ယဝ်ႉၼႆႉၵေႃႈ မၼ်းတေၶႂ်ႈႁူႉဝႃႈ ပဵၼ် ၵူၼ်းယိင်းႁႃႉ ၵူၼ်းၸၢႆးၼႆယဝ်ႉၶႃႈ။ တွပ်ႇပၼ်မၼ်းသေၶႃႈလႄႈ။
သင်ဝႃႈ ပဵၼ်ၵူၼ်းယိင်းၼႆၵေႃႈ တဵၵ်းပၼ်တီႈ Female ၼႆယဝ်ႉသေ သင်ဝႃႈပဵၼ် ၵူၼ်းၸၢႆးၼႆၵေႃႈ Male ၼၼ်ႉၶႃႈၼႃႈ။ ပေႃးလိူၵ်ႈယဝ်ႉၼႆၵေႃႈ မၼ်းတေတႄႇ သၢင်ႈမၢႆၾၢင် Facebook ႁဝ်းဝႆႉယူႇယဝ်ႈၶႃႈ ပႂ်ႉသေၵမ်းၼိူင်ႈၶႃႈလႄႈ။
ၵမ်းၼႆႉတေႉသင်ဝႃႈမၼ်း သၢင်ႈယဝ်ႉၵႂႃႇယဝ်ႈၼႆတေႉ ထိုင်တွၼ်ႊတေလႆႈ တၢင်ႇပၼ်ၶႅပ်းႁၢင်ႊ တူဝ်ၵဝ်ႇႁဝ်းယဝ်ႉ ၶႃႈဢေႃႈ။ သင်ဝႃႈ ၸဝ်ႈၵဝ်ႇ ပႆႇတူဝ်တၼ်း တႃႇတၢင်ႇၼႆၵေႃႈ တီႈတၢင်းၼိူဝ် ၽၢႆႇꧠၶႂႃႇၼၼ်ႉမီးဝႆႉ ဢၼ်တူဝ်လိၵ်ႈဝႃႈ Skip ၼႆႉတဵၵ်ႉပၼ်သေ ၶၢမ်ႈပူၼ်ႉၵႂႃႇလႆႈယူႇၶႃႈ။ သင်ဝႃႈ တူဝ်တၼ်းယဝ်ႉၼႆၵေႃႈ တဵၵ်ႉတီႈ Take a photo ပေႃႉတေႃႈလဵဝ်သေတၢင်ႇ ဢမ်ႇၼၼ်ၵေႃႈ တေတၢင်ႇၶႅပ်းႁၢင်ႊ ဢၼ်မီးဝႆႉယဝ်ႉၼၼ်ႉၼႆၵေႃႈ တဵၵ်ႉတီႈ Choose From Gallary ၼၼ်ႉၵေႃႈလႆႈယဝ်ႉၶႃႈ။
ပေႃးဝႃႈ တၢင်ႇၶႅပ်းႁၢင်ႊၸဝ်ႈၵဝ်ႇ ယဝ်ႉတူဝ်ႈလီယဝ်ႉၼႆၸိုင် မၼ်းၼႆၵေႃႈ လႆႈဝႃႈ ႁဝ်းႁဵတ်း Account Facebook ႁဝ်း ယဝ်ႉၵႂႃႇယဝ်ႈၶႃႈ။ ၵူၺ်းၵႃႈ တေလႆႈဝႃႈ မၼ်းပႆယဝ်ႉ တူဝ်ႈလီလီငၢမ်းငၢမ်းၵွၺ်းၼင်ႇၵဝ်ႇၶႃႈ ၵွပ်ႈဝႃႈ ဢူၺ်းၵေႃႉႁဝ်း ပႆႇမီးသေၵေႃႉၶႃႈလေႃႇ။ ၵွပ်ႈၼႆလႄႈ သွၵ်ႈႁႃဢူၺ်းၵေႃႉ သေၵွၼ်ႇၶႃႈလႄႈ တဵၵ်ႉတီႈ Find Friends ၼင်ႇပႃႈတႂ်ႈၼၼ်ႉသေႁႃလႆႈယူႇၶႃႈ။ သင်ဝႃႈပႆၶႂ်ႈမီး ဢူၺ်းၵေႃႉၼႆၵေႃႈ တဵၵ်ႉ Skip သေၶၢမ်ႈၵႂႃႇလႆႈယူႇၶႃႈ။
ပေႃးႁဵတ်းၸွမ်းယဝ်ႉ တွၼ်ႊတင်းသဵင်ႈယဝ်ႈၼႆၵေႃႈ ၵိုတ်းယူႇထႅင်ႈ တွၼ်ႊၵမ်းလိုၼ်းသုတ်းမၼ်း ၵွၺ်းယဝ်ႉၶႃႈဢေႃး။ တွၼ်ႊၼႆႉတေႉ မၼ်းပဵၼ်တွၼ်ႊဢၼ်တေလႆႈသႂ်ႇ မၢႆၵူတ်ႉမၼ်းၶႃႈဢေႃႈ။ ၵူၺ်းၵႃႈ မိူဝ်ႈပႆ ထႅမ်သႂ်ႇ မၢႆၵူတ်ႉမၼ်းၼႆႉ ၶႅၼ်းတေႃႇ ဢဝ် Browser သေဢၼ်ဢၼ် သေပိုတ်ႇ E-mail ဢၼ်ႁဝ်းၶႃႈ တေႇတင်ႈဝႆႉ Account Facebook ႁဝ်းၼၼ်ႉၶႃႈလႄႈ။ ၵွပ်ႈဝႃႈ ၵူတ်ႉမၼ်း တေသူင်ႇမႃးပၼ် ၸွမ်းၼင်ႇ ႁဵင်းလိၵ်ႈ E-mail ၼၼ်ႉယဝ်ႉၶႃႈ။ တေလႆႈႁၼ်ၼင်ပႃႈတႂ်ႈ ၼႆႉယူႇၶႃႈ။
သင်ဝႃႈ မၼ်းပႆႇသူင်ႇမႃးပၼ်ၼႆၵေႃႈ တဵၵ်ႉပၼ်တီႈ Send Code Again ၼၼ်ႉထႅင်ႈၶႃႈလႄႈ မၼ်းတေသူင်ႇမႃးပၼ်ယူႇၶႃႈ။ ၵမ်းၼႆႉတေႉ ဝႆႉဝႃႈမၼ်းသူင်ႇမႃးပၼ်ယဝ်ႉၼႆၶႃႈလႄႈ ၵႂႃႇတီႈ Browser ဢၼ်ႁဝ်းၶႃႈ ပိုတ်ႇ E-mail ၼၼ်ႉသေ ထုတ်ႇဢဝ် (Copy) မႃးဝၢင်းပၼ် တီႈ Confirmation Code ၼၼ်ႉသေ သိုပ်ႇတဵၵ်ႉထႅင်ႈတီႈ Confirm ယဝ်ႉသေထႅင်ႈ ၻီႈၶဵဝ်ၶဵဝ်ဢၼ်ဝႃႈ Continue ၼႆၵေႃႈ တေလႆႈဝႃႈ ၵၢၼ်ႁဵတ်း Account မႂ်ႇမႂ်ႇ Facebook ႁဝ်းယဝ်ႉတူဝ်လီငၢမ်းၵႂႃႇယဝ်ႉၶႃႈဢေႃႈ။ ႁႂ်ႈၵၢမ်ႇလီ ၵတ်းယဵၼ်ႁၢမ်းၶဵၼ်ႁႃႈယိူင်ႈ ၵူႊၵေႃႉၵူႊၵူၼ်း ၵူႊၸဝ်ႈၵူႊတူၼ် ၵူႊမုၼ်ၵူႊပႃးၵၼ် သေၵမ်းၶႃႈ။ မႂ်ႇသုင်ၶႃႈ။
လုတ်ႇလူင်း ၾႆႇ pdf မၼ်းလႆႈတီႈၼႆႉၶႃႈ https://www.dropbox.com/s/9n47r356sub1nc8/Creating%20Fb%20Acc.pdf
ไม่มีความคิดเห็น:
แสดงความคิดเห็น